Sulyap Sa Hinaharap (Ikawalong Bahagi)

Salamat po at sinamahan ninyo ako hanggang sa huling bahagi ng aking serye na may pamagat na “Sulyap sa Hinaharap.” Ang pagtitiyaga ninyong ito ay mahalaga.

 

Kung ang huling bahaging ito agad ang nabasa ninyo, nakikiusap akong basahin ninyo ang mas naunang bahagi nito sapagkat doon ay isa-isang tinalakay ang dilemma na kinakaharap ng mga itiniwalag na lumaban sa Pamamahala gaya ng sumusunod:

 

Unang Bahagi - Ang Hinaharap ng Iglesia Ni Cristo

Ikalawang Bahagi – Tungkol sa bautismo (may bukod bang bautismo ang mga tiwalag)

Ikatlong Bahagi – Tungkol sa paghahandog ng sanggol (may bukod bang paghahandog ng sanggol ang mga tiwalag)

Ikaapat na Bahagi – Tungkol sa PNK (may bukod bang PNK ang mga tiwalag)

Ikalimang Bahagi – Tungkol sa pagpapakasal (may bukod bang pagkakasal ang mga tiwalag)

Ikaanim na Bahagi – Tungkol sa Sta. Cena (may bukod bang Sta. Cena ang mga tiwalag)

Ikapitong Bahagi – Tungkol sa ordenasyon (may bukod bang ordenasyon ang mga tiwalag)

Ikawalong Bahagi – Konklusyon at Panawagan

 

Naalaala ko ang sinabi ni Ka Erdy na sa pagbuo ng plano, ang dapat munang isipin ng nagpaplano ay ang pinakadulo nito (end-result).

 

Naisip kaya ng mga nagplano ng paninira at paglaban sa Pamamahala ng Iglesia ang end-result ng kanilang ginawa?

 

Naisip rin kaya nila na hindi isusuko ng Pamamahala ang kanilang karapatan dahil lamang sa paninirang inihasik sa social media ng mga tiwalag na ito?

 

Naisip kaya nila na dahil sa mga isyu na hindi nila maiiwasang harapin na isa-isang tinalakay sa serye na ito ay wala silang ibang magagawa (recourse) kundi ang magtayo ng bukod na iglesia o ang magbalik-loob?

 

Nais kong manawagan sa inyong lahat na nakabasa nito. Kung nakikita ninyong “eye opener” ang lahat ng binanggit kong ito, higit sa pagla-like at pagbibigay ninyo ng comment, makikiusap akong i-share ninyo ito sa lahat ng friends ninyo at ipa-share ninyo sa mga friends nila.

 

Kung maaari ninyo itong i-post sa facebook pages ng mga nagpapakilalang INC defenders ay gawin ninyo para maagapan ang mga nasa pag-aalinlangan at mapanumbalik naman ang nahiwalay lalo yaong nagpakabigla lamang o nadala ng simpatiya.

 

Itinuro ni Apostol Santiago ang kahalagahan na mapanumbalik natin ang mga naligaw:

 

“Mga kapatid ko, kung ang sinuman sa inyo ay naliligaw mula sa katotohanan, at siya'y pinapanumbalik ng sinuman, dapat niyang malaman na ang nagpapanumbalik sa isang makasalanan mula sa pagkaligaw sa kanyang landas ay magliligtas ng kaluluwa mula sa kamatayan, at magtatakip ng napakaraming kasalanan” (Sant. 5:19-20 ABAB).

 

 

Lowell Menorca: Ang Sagot

“We didn’t try to BURY you, because we know that you are WEEDS.”