Letters Pa More!

Si Lowell “BOY-et” Menorca II ay talagang mahilig magsulat ng mga mala-telenobela na mga istorya. Sa kaniyang salaysay na nais ipatanggap sa korte, gayon ang pagkakahanay ng kaniyang mga konklusyon at opinyon. Para sa ano? Para makakuha ng simpatiya. Buti na lang at hindi umubra sa korte.

Sinulatan pa niya ang kaniyang misis ng isang love letter at ipina-post sa facebook. Inilahad niya ang mga karanasan niya sa malalayong destino at pinuri ang kaniyang asawa dahil sa walang maliw na suporta nito. Para sa ano? Para itanyag ang kaniyang sarili at para rin makakuha ng simpatiya.

Sinulatan din niya ang kaniyang ina na si Ka Minda at doon ay ikinuwento ang sakripisyo na pinagdaanan ng kaniyang pamilya. Ikinuwento rin niya ang mga hirap na kaniyang naranasan mula sa pagkabata. Para sa ano? Para itanyag muli ang kaniyang sarili at para rin makakuha ng simpatiya.

Sumulat siya ng artikulo na may kinalaman kina Marc at Angel at doon ay nagbigay siya ng magandang patotoo para sa magkapatid, kung paano sila manguna, magpayo at magmalasakit. Para sa ano? Para sabihing mas karapat-dapat mamahala ang magkapatid kaysa kay Ka Eduardo? Kapag binasang muli ang sulat niyang ito ay mararamdaman ninyo na ang nais ni BOY-et Menorca ay itanyag ang sarili at kumuha ng simpatiya.

Alam ni BOY-et Menorca ang kamandag ng simpatiya at ito ang gusto niyang maging kakampi para maipanalo ang kasong isinampa niya laban sa Tagapamahalang Pangkalahatan ng Iglesia at sa Sanggunian. Alam niya ang kasaysayan ng Pilipinas na dahil sa simpatiya ay napatalsik ang dating Presidente nito at dahil din sa simpatiya ay nailuklok ang isang bagong Presidente. Sa mga hindi pa nakabasa nito, basahin ninyo ang aking blog na may pamagat na “Ang Kamandang ng Simpatiya” (http://lowellmenorcasagot.blogspot.com)

At ano itong naka-post sa FB page ni BOY-et Menorca?

PLS CONFIRM PO!!!

Bad news. Re menorca. Rumors sa C.A. Tumanggap na si ybanez and de leon. Malaki raw. Paredes refused the middleman. Kalat na balita. The middleman ay si gp santos. He withdrew a big amount in a bank near the c.a. At dinala sa bahay ni justice. Pasabugin na lang sa social media.

Ipinakakalat nila ang rumors na tumanggap daw sina Justices Elihu Ybanez at Magdangal De Leon ng malaking suhol mula sa Iglesia Ni Cristo. Bagaman sinabi nilang ito ay rumors sa C.A. at kunwari ay nais daw nilang ma-confirm ito, gayunman, ang nais nila ay pasabugin ito sa Social Media.

Rumors pala at hindi naman confirmed, bakit gusto nila itong pasabugin sa Social Media? Para sa ano? Para sa mind conditioning at para rin makakuha ng simpatiya.

Kaya kapag bumaba na ang pasiya ng Court Of Appeals at nagkataong ang pasiya ay pumabor sa Iglesia Ni Cristo, ano ang sasabihin ni Lowell BOY-et Menorca II? “Kita na ninyo, sabi ko na sa inyo. Totoo ang rumor!” Pero ingat din sila kasi kapag nakarating kina Justices Elihu Ybanez at Magdangal De Leon na sila ang nagpapakalat ng rumor ay madaragdagan na naman ang kaso nila kaya kunwari ay nakikiusap na “PLS CONFIRM PO!!!”

Tanong ko lang kay BOY-et Menorca, marami kang naalaalang sulatan at bigyan ng patotoo, hindi ba? Ang kasalukuyang Tagapamahalang Pangkalahatan ng Iglesia Ni Cristo na si Kapatid na Eduardo V. Manalo, naalaala mo bang padalhan ng sulat o gawan ng patotoo? Hindi ba’t sinabi mo hindi mo nilalabanan ang Ka Eduardo? Nagbigay ka rin ba ng mabuting patotoo tungkol sa kaniyang Pamamahala, kung paano manguna, magpayo at magmalasakit ang Tagapamahalang Pangkalahatan na si Kapatid na Eduardo V. Manalo. Naisip mo bang gumawa ng sulat upang ipahayag mo nang buong linaw na para sa iyo, ang lehitimong Tagapamahalang Pangkalahatan ay si Kapatid na Eduardo V. Manalo at hindi si Marco o si Angel? O takot ka na kapag ginawa mo ito ay iwan ka ng mga kasama mo at mawala ang simpatiya ng mga co-destroyers mo? Akala ko ba matapang ka? Kung talagang hindi ninyo sinadya na idemanda ang Tagapamahalang Pangkalahatan kundi nadamay lamang sila sa kasong inihain ninyo, gumawa ka lamang ba ng sulat para humingi ng paumanhin kay Ka Eduardo tungkol sa pangyayaring ito?

May pasulat-sulat pang itong ka-batch daw ni Lowell “BOY-et” Menorca II mula sa seksiyong Micah. Puro magagandang patotoo kay BOY-et (malay natin kung si BOY-et lang pala ang sumulat, kunwari lang na ka-batch niya). Ang tanong ay para sa ano (at posted pa sa FB ni BOY-et Menorca)?

Ang lahat ng ito ay para itanyag ni BOY-et ang kaniyang sarili at makakuha ng simpatiya. Marami nang nakalahata nito. Kayo, hindi pa ninyo ito nahahalata? Sa mga nakakakilala kay BOY-et mula noong siya’y estudyante pa lang, hindi na kailangang makahalata pa sila sapagkat halata na buhat pa noon ay ganiyan na si BOY-et Menorca. Ubod ng yabang at ito ang ginaya ng ampon niyang kapatid na si Anthony.

Sige lang, letters pa more. Sana lang makilala agad si BOY-et Menorca ng mga kasamahan niya para hindi na sila makisimpatiya sa kaniya at sa patung-patong na kaso na kakaharapin niya.

Lowell Menorca: Ang Sagot

“We didn’t try to BURY you, because we know that you are WEEDS.”